夫婦相

我同老公拍拖至今仍然聽唔少人講覺得我地有夫婦相,當然我覺得我地唔係真係咁似,但可能外人睇又會有唔同既感覺。

我係面書上睇到好多唔同既情侶或夫婦都好有夫婦相。究竟係有夫妻相既人一齊定係一齊之後有夫妻相呢?我覺得兩者都有。其實近朱者赤,近墨者黑。所以其實前者或後者都冇所謂,最重要係兩夫妻相處好。

我同老公由2014年拍拖到結婚都冇試過吵架,緊係啦,我地拍左年半就結婚。婚後當然都有唔同既野磨合。講到婚姻真係唔同拍拖,拍拖時唔岩點都可以分手就得,結婚唔同話離就離咩。幸好Ronald比較容易相處,所以到一齊到依家真係咩大嘈過。



拍拖到結婚,再到有小朋友都一定會有大家唔同既處理方式,而且我地既小朋友由4大長老主力湊,所以更加容易會有意見不合既時候。幸好我地既長老門都唔係食古不化型,如果唔係真係會好頭痛。

當別人到我地咁多年後都仲係覺得我地有夫妻相時,我都會期待自己小朋友真係會係咩樣子。到依家真係出左世,覺得同自己一啲都唔似,哈哈。

我們似嗎?

我們這一家

照片來源:天娜

Leave a Reply