第二個小寶貝

係呢到同大家分享,我第二個小寶貝準備黎緊,已經過左孕程既一半,所以好快會出黎同大家見面喇~

今次相對上一次攰好多,可能因為生完第一個仲未復原,又懷上第二個。我期待左好耐,計劃中係想兩個小朋友相隔離咁遠,所以理想中真係2019年一個2020一個,感恩天父賜左兩個奇妙既小朋友比我。至於會唔會再生多個,唔駛問了,在計劃中唔會想再生多一個。

懷孕過程不算辛苦,我冇人地講既嘔呀,暈呀,或者係好痛呀,一諗到重新要經歷初生再加一個歲半一定係一個大挑戰。可幸我有大量人手幫忙,如果唔係真係唔敢想像情況會係點。我好欣賞同佩服自己湊兩個BB既媽媽,又要打理家務事,又要陪伴小朋友,又要照顧唔同既事情,真利害。我依家淨係返工(差唔多7至8個鐘),加陪小朋友玩,咩家事都唔駛我處理,仲有照顧BB個PART都唔係我自己負責我都覺我好攰。

都係加油啦,如果我再勤力D,希望為小朋友將來做一個好既奠基,做到既野更加多,就好似父母以前為我地作既準備,令我可以安心為小朋友作準備。幸好每天都有陪小朋友既時間,見佢都會痴住我,真係好感恩。

Leave a Reply